Prej disa ditësh qytetarët janë vetëizoluar në shtëpi, duke zbatuar kështu masat që janë vendosur për të parandaluar përhapjen e koronavirusit Covid-19. Disa prej vipave përmes postimeve në Instagram na kanë treguar si po i kalojnë këto ditë me familjen dhe njerëzit e dashur pranë vetes.
Bes Kallaku ka bërë vazhdimisht postime nga shtëpia gjatë këtyre ditëve. Në një foto ai shfaqet duke luajtur me lodrat e Ajkës ndërsa në një tjetër postim shfaqet duke kënduar një këngë kushtuar Koronavirusit. Kjo këngë që përmban nota humori i ka bërë të gjithë për të qeshur e në këtë mënyrë, aktori ka mundur të rikthejë buzëqeshjen e fansave.
https://www.instagram.com/p/B9uDPKqHyoG/
Kiara Tito ka gjetur një mënyrë shumë të bukur për t’i kaluar këto ditë. Moderatorja ka postuar një video ku shfaqet në shtëpi, e veshur me robdeshambër, syze dielli, duke pirë shampanjë e duke shijuar pamjen relaksuese në televizor.
https://www.instagram.com/p/B9ty0y1H7Ea/
Armina Mevlani ka vendosur t’i kalojë këto ditë duke lexuar. Blogerja ka postuar foto nga shtëpia ku shfaqet duke lexuar një libër, me macen e saj pranë. “E bukura e qëndrimit në shtëpi, si një njeri që i do shumë librat, mund të lexoj aq sa dua dhe të ëndërroj aq sa dua pa pasur detyrimin për të shkuar diku. Më rekomandoni disa libra të bukur”, shkruan Armina.
Marina Vjollca gjithashtu ka postuar foto nga shtëpia, e veshur me pizhama, flokët e shpupuritur dhe pak makeup. Në komente, Marina shkruan se sot do t’i hyjë pastrimit të shtëpisë me themel duke na zbuluar kështu rutinën e saj.
Aulona Musta gjatë këtyre ditëve në shtëpi nuk i ka ndalur ushtrimet fizike duke e mbajtur trupin në super formë. Përveç videove duke u stërvitur, moderatorja ka postuar edhe një foto ku me humor shkruan: “Uaaa mire qe erdhi kjo e diela, te pushojme pak se jemi lodhur shume, s’na ka pare shtepia gjithe javen”.
Ndërsa Fatma Haxhialiu i ka bërë për të qeshur fansat me videot që ka postuar nga shtëpia e saj duke treguar situatat aktuale që po kalojnë të gjithë. Në një prej videoeve, moderatorja shfaqet me bashkëshortin duke bërë luftë me jastiqe e duke shkaktuar shumë të qeshura.
https://www.instagram.com/p/B9umTtsD-5A/
Aktori Florjan Binaj ka postuar një video me fëmijët e tij teksa kalojnë kohën në ballkonin e shtëpisë. Aktori jep dhe një mesazh: “Sa më seriozisht ti marrim masat parandaluese, aq më shpejt do kalojë…Gjyshi im thonte: Zjarri, deti dhe sëmundjet i kanë shumë qejf trimat!Mbroni të nesërmen, mbroni të ardhmen, në fund të fundit, qahemi për pushime gjithë vitin dhe kur na vjen, qahem”
https://www.instagram.com/p/B9t1uC6lJ6K/
Gjithashtu edhe aktorja Olta Daku i ka bërë të gjithë të qeshin me një video nga shtëpia ku tregon si po i kalon këto ditë. Aktorja shprehet se gjatë kësaj kohe ka bërë punët e shtëpisë dhe është furnizuar me produkte./revistawho.com
https://www.instagram.com/p/B9upo9OFuXK/
