Modelingu është një karrierë që nis zakonisht kur je i ri por një djalosh londinez e ka nisur me shpejt seç duhet, falë një tipari të veçantë. Flokët kaçurrele ngjyrë gështenjë të 4-vjeçarit Farouk James, pa përmendur fytyrën e tij të ëmbël, kanë bërë që ai të çmendë Instagramin dhe Youtube, shkruan “Top Albania Radio”. Ai ka fituar disa punë si model, duke pozuar për një sërë firmash të njohura fëmijësh, ndërsa nëna e tij, Bonnie ka publikuar një video në të cilën iu jep këshilla prindërve se si të kujdesen për flokët kaçurrela të fëmijëve të tyre. Farouk është aq i vogël sa akoma nuk ka filluar shkollën mirëpo tashmë ai është bërë tepër i njohur në rrjetet sociale dhe gjithashtu ka bërë debutimin e tij të parë, javën e kaluar, në “London Fashion Walk”.
