Në urimin për Arjola Shehun, Evi Reçi zbulon se sa perfekt është raporti mes dy moderatoreve

Evi Reçi dhe Arjola Shehu janë dy nga vajzat e showbiz-it që kanë krijuar një miqësi shumë të fortë me njëra-tjetrën. Ato të dyja i shohim gjithmonë bashkë dhe duket se kjo gjë ka ndikuar shumë në marrëdhënien mes tyre. Përtej raportit të mirë miqësor, duket se Evi dhe Arjola e cilësojnë njëra-tjetrën si motra. Sot Shehu feston ditëlindjen dhe përmes urimit të saj të veçantë Reçi ka zbuluar se sa perfekte është miqësia mes të dyjave. Evi ka publikuar në ‘Instagram’ një foto me Arjolën dhe përkrah saj ka shkruar: “Tek kjo foto ishim shumë të lumtura ndaj e zgjodha, sepse kështu dua të na shoh dhe në të ardhmen! Kur një shoqe të bëhet si motër. Unë motër nuk kam por ja që e gjeta dhe madje edhe afër shtëpisë. E vogla ti! Gëzuar ditëlindjen!”. Arjola më pas e ka ripostuar këtë urim në profilin e saj me mbishkrimin: “Gjithmonë pranë meje! Motra e shpirtit tim”. Pavarësisht se i përkasin të dyja botës së televizionit, Evi dhe Arjola duket se nuk do e ndjejnë asnjëherë konkurrencën e njëra-tjetrës dhe kjo lidhje mes tyre është për t’u pasur zili. /revistawho.com