Marrëdhënia mes Gerard Pique dhe Clara Chia Marti mesa duket po bëhet serioze. Ata janë të lumtur me njëri-tjetrin, duke u konsoliduar me kohën e shkurtër që kanë qenë bashkë dhe duke shmangur zhurmën e krijuar nga lajmet e ndryshme për ndarjen nga Shakira. Pique ka marrë një vendim, sipas Jordi Martin, që do ta mërziste Shakira. Programi “Telecinco Socialite” publikoi një ekskluzive me informacionin e Jordi Martin, ku thuhej:
“Është diçka që do ta shqetësojë sepse Shakira dhe Pique kishin biseduar shumë. Ishte një gjë për të cilën të dy nuk ishin dakord. Më konkretisht, është një çështje për të cilën Pique dhe Shakira kishin mosmarrëveshje prej vitesh”.
Gerard Pique, sipas informacioneve të gazetarit Jordi Martin, dëshiron të ketë një fëmijë tjetër, këtë herë me Clara Chia-n. Në fakt, dëshira e futbollistit për një fëmijë të tretë nis që nga viti 2016, ku në një intervistë ai zbuloi se gjithmonë ka dashur të ketë tre fëmijë. Nëse ka një të tretë, do ta mirëpres. Megjithatë, Shakira nuk e pranoi kërkesën e tij. Në një intervistë të vitit 2014, këngëtarja tha: “Gerard është i bindur se ai dëshiron të ketë tre, por unë dua dy, kështu që ne jemi duke negociuar”.
Mesa duket negociata me të dashurën e te është mbyllur më shpejt.
