Pas momentit emocional të ribashkimit me të bijën në shtëpinë e “Big Brother VIP”, nëna e Brikenës ka zgjedhur të flasë publikisht për herë të parë. Në një intervistë ekskluzive për “Fan Club”, ajo ndalet te rrugëtimi i vajzës së saj në lojë, vendimi për hyrjen në BBV dhe qëndrimi i familjes për çdo zgjedhje që Brikena bën.
Ajo thekson se pjesëmarrja në reality show ka qenë një vendim i marrë me dakordësi të plotë në familje dhe se Brikena po tregohet pikërisht ashtu siç është edhe jashtë kamerave.
“Jemi të kënaqur me Brikenën. I urojmë suksese. E njëjta Brikenë që është në shtëpi, është edhe këtu. Duhan i thashë mos të pijë shumë. Kemi qenë dakord për të hyrë në BBV. Është një vajzë inteligjente.”
Nëna e Brikenës nuk ka lënë pa përmendur edhe raportin e saj me Mateon, për të cilin shprehet me respekt dhe vlerësim, duke e bërë të qartë se familja nuk ka asnjë kundërshtim apo rezervë.
“Mateo është shumë djalë i mirë, kam respekt. I urojmë shumë suksese. Nga ana jonë nuk ka asgjë.”
Mesazhi kryesor i saj mbetet mbështetja e pakushtëzuar për vajzën, pavarësisht çdo vendimi që ajo mund të marrë gjatë apo pas përfundimit të eksperiencës në BBV.
“Jemi me Brikenën, çfarë të vendosë ajo, me atë jemi dhe ne. Nuk jemi kundër kurrë gjëje. Brikenën e presim me fitore. Çfarë të vendosë Brikena, ne jemi me atë”, u shpreh ajo.
