Përveç Ledri Vulës edhe nëna e tij Xheraldina Vula është bërë shumë e njohur këto kohët e fundit në Shqipëri. Xheraldina është pjesëtare e jurisë së ‘Master Chef Junior Albania’ dhe shohim çdo të martë në ekranin e ‘RTSH’. Ledri ka një lidhje shumë të ngushtë me të ëmën e tij dhe këtë gjë e kemi vënë re dhe në postimet në rrjete sociale.
Madje nga kjo lidhje e fortë duket se Ledri dhe Xheraldina flasin hapur për çdo gjë me njëri-tjetrin. Ditën e sotme Xheraldina ishte e ftuar në emisionin radiofonik ‘Chaud Patate’ dhe aty tregoi gjithçka që nga eksperienca në ‘Master Chef’ si dhe disa gjëra që nuk i dinim më parë për Ledrin. Është zbuluar se Xheraldina ka studiuar letërsi dhe më parë shkruante shumë poezi, por Ledri asnjëherë nuk ka pranuar që tekstet e këngëve të tij të shkruheshin nga e ëma.
Më tej Xheraldina ka treguar se ka marrë edhe kërkesa për shkuesi për djalin e saj. “Edhe nënat, dhe unë do të doja që Ledri të ketë një vajzë të mirë. Po ka pas raste të tilla, që nuk kanë ardhur direkt, por normal unë e kam mbyll gojën se s’ke çfarë të thuash, sepse nuk varet absolutisht as nga unë as prej saj se ndoshta ajo e ka dëshirën e saj por vajza nuk e ka. Mendoj se kanë qenë më shumë dëshira të së ëmës, se e bija nëse do të donte do ta gjente një mënyrë”, – ka thënë Xheraldina duke qeshur. /revistawho.com
