Ndërsa të gjithë po presin me kërshëri nisjen e programit më të ri të Arbana Osmanit në “Top Channel”, ka qenë nëndrejtori i përgjithshëm i këtij televizioni, Erion Ylli, ai i cili ka zbuluar për herë të parë skenografinë. Foton e publikuar nga studioja e “Dua të të bëj të lumtur”, Ylli e shoqëron me nënshkrimin: “Nëse ëndërron vetëm, është vetëm një ëndërr. Nëse ëndërrojmë bashkë, ëndrra bëhet realitet!”. “Dua të të bëj të lumtur” ka sonte në ora 21:00 premierën dhe në intervistën e saj për “revistawho.com” (Lexo këtu), Arbana Osmani është shprehur shumë e lumtur për këtë program, duke e cilësuar si më të dashurin në këto 15 vite karrierë.
