Nëntori Shqiptar në mes të New York-ut!

New York do të mirëpresë për të dytin vit radhazi Nëntorin Shqiptar. Me rastin e 110-vjetorit të Pavarësisë, në metropolin amerikan do të organizohet mbrëmja gala me në krye producentin Eduart Deda, organizatori i Miss Universe Albania dhe Miss Universe Kosova. Ngjarja më e madhe festive shqiptare në zemër të New Yorkut, do të mbahet në sallën klasike “Capital Ballroom” ku marrin pjesë qinda shqiptarë. Eventi do të ketë gjithçka, argëtim, etnofolklor, në shqip, në kujtime shqiptare. Artistë dhe përfaqësues shqiptarë, për të festuar, për të kujtuar, për të krijuar traditën që vazhdon ndër mote. Mos harroni, më 19 nëntor 2022.