Po bën pak kohë që ka filluar transmetimin seriali më i ri në Radio Televizionin Shqiptar me titullin “Ti mund të më quash Xhon.” Në serialin më regji të Dionis dhe Klajdi Papadhimitri marrin pjesë shumë emra të njohur si: Gëzim Rudi, Arben Derhemi, Gent Kame, Nevina Shtylla, Rovena Dilo etj. Këngëtarja Rovena Dilo luan rolin e mamasë së personazhit kryesor, Lornës. Por mesa duket Rovena ka një problem me transmetimin e këtij seriali në orën 00:00 nga ana e RTSH-së. Në një postim në ‘Instagram’ ajo ka shkruajtur: “Këtu e tre ditë më mundon një pyetje. Pse seriali ‘Ti mund të më quash Xhon’ transmetohet në 12 të natës! Një premierë në 12 të natës… për kë transmetohet? Mos ndoshta kanë filluar të shohin seriale lakuiqët e natës…!?”.
