Klea Huta dhe Elgit Doda kanë prezantuar mundësinë e artë për çdo fëmijë. Tashmë të gjithë jeni njohur me “Klea Huta Academy”, vendi perfekt për çdo fëmijë që ka prirje në arte dhe do të hedhë hapat e parë drejt suksesit.
Pas lançimit të akademisë ku stafi profesionist i perkushtohet fëmijëve me kohë të plotë, Klea dhe Elgiti kanë prezantuar “Summer Camp 2019”, mënyra më e mirë që fëmija juaj të kalojë një verë të bukur.
Kampi veror do të organizohet në malin e Dajtit, pranë natyrës dhe freskisë për 10 ditë dhe 9 netë. Në aktivitete përfshihen: animatorë profesionistë, lojra argëtuese dhe edukuese, kinema, shfaqje të organizuar nga vetë fëmijët, eskursione dhe shumë mënyra të tjera për t’ju dhuruar të vegjëlve kujtime të paharrueshme. Vlen të theksohet se çdo grup do të jetë i mbikqyrur me kujdestarë profesionistë.
Fëmijët duhet të jenë në moshat 9-14 vjeç. Për regjistrime mund të kontaktoni në numrin e lançuar në video.
https://www.instagram.com/p/Bx92cxrAgvV/?igshid=1pqtm3uk1gd
Nëse doni që fëmijët tuaj të kalojnë disa ditë plot argëtim dhe të krijojnë kujtimet më të bukura me bashkëmoshatarët, kjo është mundësia e duhur. /revistawho.com
