Eranda Libohova, artistja e talentuar e skenës shqiptare, më në fund ka vendosur të vijë me një projekt të ri muzikor.
“Të ndjej” ka qënë kënga e saj e fundit, e cila rezultoi shumë e suksesshmë në tregun muzikor shqiptar. Përmes një postimi të bërë në llogarinë e saj të Instagramit, artistja ka lënë të nënkuptohet se diçka e re po vjen nga ajo.
Eranda ka publikuar një fotografi ku shihet së bashku me producentin Gent Myftaraj në një studio regjistrimi. Këngëtarja nuk ka dhënë detaje të mëtejshme të këtij projekti muzikor, por një gjë është e sigurt, kënga është në “furrë duke u pjekur”.
/Topalbaniaradio
