Këngëtarja Vesa Luma është rikthyer së fundmi në Kosovë, ku po punon dhe po jeton për disa muaj bashkë me djalin. Siç ka bërë të ditur, shumë shpejt pritet që të rikthehet në Zelandën e Re ku qëndron bashkëshorti i saj. Teksa rikthimi saj në vendlindje ka marrë vëmendjen e publikut, Vesa ka arritur t’i bëjë të gjithë të flasin edhe më tepër për të, me transformimet në ‘look’ dhe daljet e fundit publike. Koncerti që e riktheu pranë publikut shqiptar me rastin e ‘Natë së Bardhë’ ishte shumë emocionues, por në sy nuk ra vetëm performanca e shkëlqyer e saj. Vesa u shfaq e veshur me një fustan të zi dhe një tyl të kuq që zëvendësonte pallton.
Një zgjedhje shumë festive që lidhej edhe me tematikën e koncertit, por jo vetëm. Pak orë më parë, Vesa publikoi një tjetër kombinim me një tyl që ka të njëjtën prerje si ai që kemi parë më herët, por në ngjyrë rozë.
Për ata që urrejnë palltot dhe duan që në veshje të kenë detaje festive, Vesa sapo ju ka treguar mënyrën perfekte për t’u dukur ‘trendy’ gjatë festave./revistawho.com
