Sfida e fundit në “Ferma VIP” nuk solli vetëm garë dhe tension, por edhe momente të ndjera mes banorëve. Gjatë mbrëmjes së kaluar, teksa qëndronin pranë zjarrit në kuadër të provës së dhënë nga Agai, Elvis Pupa dhe Soni Malaj zhvilluan një bisedë të sinqertë dhe personale, duke prekur një nga temat më delikate të jetës së aktorit: prindërimin.
Biseda mes tyre:
Soni Malaj: Pse nuk ke fëmijë?
Elvis Pupa: Nuk kemi për momentin. Kemi provuar dhe gjithçka është në rregull. Jam edhe tip që… mundohem të ndjek disa “shenja”, si p.sh. fazat e hënës apo gjëra të tilla, por në fund, nëse është e shkruar nga Zoti, do ta mirëpresim. Kur nuk e ke një gjë, nuk mund të pendohesh për diçka që nuk e ke përjetuar.
Soni Malaj: Ndoshta sepse nuk e ke provuar.
Elvis Pupa: Pikërisht, nuk mund të ndjesh mungesë apo zhgënjim për diçka që nuk e njeh.
Soni Malaj: Nuk është çështje inati, por jam e bindur që ti e ke ndjekur si dëshirë.
Elvis Pupa: Po, e kam ndjekur në mënyrë natyrale. Besoj që nëse është për të ardhur, do të vijë vetë. Nëse jo, atëherë kështu është e shkruar.
Soni Malaj: Gjithsesi, ka edhe mënyra të tjera për ta provuar.
Elvis Pupa: Unë dua që gjërat të ndodhin ashtu siç i kam menduar dhe siç janë parashikuar për mua.
