Nëse doni një arsye më shumë për të justifikuar trishtimin këtë janar, ja ku është. Kjo e hënë është zyrtarisht dita më depresive e të gjithë vitit. E quajtur “E Hëna Blu”, ajo mendohet se është një nga ditët kur njerëzit janë më të trishtuar dhe më pesimistë se çdo ditë tjetër të vitit. Sipas formulës, “e hëna blu” bie në të hënën e tretë pas Vitit të Ri. Këtë vit, “e hëna blu” është kjo e 21 janarit. “The Sun” shkruan se në ditët e festave njerëzit janë shumë të ngazëllyer dhe nuk kursehen për asgjë. Por në javën e tretë kur festat janë zbehur, ata nisin të bëjnë llogaritë dhe të ‘zbresin me këmbë në tokë’.
Në këtë ditë të gjithë duhet të bëjnë kujdes me vendimet që do të marrin, pasi mund të ndodhë që të martën të pendohen menjëherë. Nesër bëni mirë që të merreni me sa më shumë aktivitet sportiv për të larguar stresin dhe në punë duhet të jeni sa më të qetë.
“E Hëna Blu” është mjaft e përshtatshme në janar, pasi edhe moti gri është i prirur për të krijuar depresion./revistawho.com
