Princ Harry ka pasur një axhendë tepër të zënë këtë javë në disa evente të pallatit mbretëror. Më datë 14 qershor ai mori pjesë në një festë të organizuar në kopësht në Londër me rastin e 70-vjetori të Commonwealth. Si zakonisht duka i Sussex u shfaq me një stil ‘chic’, i veshur me një kostum ngjyrë blu si dhe një këmishë të bardhë dhe kollare.
Princ Harry vlerësoi 15 individë me çmime, certifikata si dhe lekë ‘cash’ gjatë eventit të ‘Commonwealth’. Ajo çfarë ra në sy ishte energjia e mirë e Harry-t, i cili në çdo moment ishte duke biseduar me fituesit e këtyre çmimeve. Shfaqja e princit u vijua nga lajmet se ai dhe partnerja e tij kanë punësuar një dado tashmë, për vogëlushin e tyre, ndërsa një burim i afërt i tyre është shprehur se jeta familjare e çiftit nuk mund të ishte më perfekte se kaq.
Që prej ardhjes në jetë të djalit të tyre, ata nuk kanë ndaluar së buzëqeshur dhe janë shprehur se netët pa gjumë deri më tani ja kanë vlejtur./revistawho.com
