Nevina Shtylla është një ndër moderatorët më simpatike të ekranit shqiptar. Me buzëqeshjen dhe ëmbëlsinë e saj, brenda një kohe të shkurtër ajo rrëmbeu të gjithë dashurinë e teleshikuesve. Që në fillimet e karrierës, Nevina është shfaqur si brune dhe nuk ka eksperimentuar me pamjen e saj.
Ndryshe nga një pjesë e madhe e moderatoreve, ajo nuk është tunduar që të kthehet në bionde, por siç duket një pjesë e fansave janë kurioz ta shohin edhe në këtë formë. Me anë të aplikacionit ‘pyetje-përgjigje’ në ‘Instagram’ dikush e ka pyetur nëse mendon të bëhet ndonjëherë bionde. Për t’u përgjigjur moderatorja ka publikuar një fotografi, në të cilën shihet me flokë bionde dhe përkrah saj ka shkruar: “Që ta mbyllim njëherë e mirë këtë temë. Jo më! Hera e parë dhe e fundit. Katastrofë”.
Madje ajo nuk e ka lënë me kaq, por ka vendosur që fansat të votojnë nëse duket mirë apo jo. Pjesa më e madhe e tyre kanë rënë dakord me mendimin e Nevinës. Po ju si mendoni se duket më bukur moderatorja? /revistawho.com
