Neymar dhe e dashura e tij Bruna Biancardi kanë njoftuar se janë në pritje të fëmijës së tyre të parë së bashku. Neymar është tashmë baba i djalit 12 vjeç, nga lidhja me Carolina Dantas, por po pret të bëhet edhe me një tjetër fëmijë.
Futbollisti brazilian, 31 vjeç, dhe influencerja 28 vjeçare, ndanë një postim të përbashkët në Instagram të mërkurën për të zbuluar lajmin e tyre.
“Ne ëndërrojmë jetën tënde, planifikojmë ardhjen tënde dhe e dimë se ti je këtu për të kompletuar dashurinë tonë, për t’i bërë ditët tona më të lumtura. Do t’i bashkohesh një familjeje të bukur, me një vëlla, gjyshër, xhaxhallarë dhe halla që tashmë të duan shumë! Eja së shpejti, ne po të presim!”, shkruhet krah fotos së çiftit.
