Neymar përfundon në gjykatë bashkë me prindërit, ja për çfarë akuzohet

Mediat e huaja raportojnë se Neymar do të dalë në gjyq në tetor për “parregullsi në transferimin e tij te Barcelona”. Gjyqi do të mbahet nga 17 deri në 31 tetor.  Një ankesë është paraqitur shtatë vjet më parë nga DIS, një kompani braziliane e cila fokusohet në tregun e futbollit. Ata zotëronin 40% të “të drejtave federative” të Neymar ndërsa ai ishte në Santos. DIS pretendon se janë mashtruar nga Neymar, të afërmit e tij dhe Barcelona dhe kërkojnë kompensim prej më shumë se 126 milionë euro. Si prokuroria ashtu edhe DIS pretendojnë se në vitin 2011 lojtari dhe babai i tij nënshkruan dy kontrata të simuluara me Barcelonën pa e njohur që të drejtat e tij i përkisnin Santos. Sulmuesi i Paris Saint-Germain iu bashkua Barcelonës nga Santos në vitin 2013. Prokuroria kërkon një dënim me 2 vjet burg ndërsa DIS kërkon një dënim me 5 vjet dhe që Neymar të largohet nga futbolli për të njëjtën kohë. Ata gjithashtu duan që prindërit e Neymar të shkojnë në burg për 5 vjet  ndërsa prokuroria kërkon 5vjet për babanë e tij dhe 1 vit për nënën e sulmuesit.