VIP-at shqiptarë njihen për pushimet e tyre luksoze e për këtë pjesë komentohen shumë në media e rrjete sociale. Këtë vit disa prej personazheve të famshëm kanë zgjedhur të njëjtin destinacion dhe ai është Dubai. Ky qytet me jetën e tij luksoze, ndërtesat e larta dhe shkretëtirën i ka bërë për vete vipat.
Modelja shumë e pëlqyer nga publiku e që prej kohësh i ka munguar ekranit, Afërdita Dreshaj po shijon aktualisht pushimet në Dubai. Afërdita ndodhet atje me bashkëshortin dhe motrën e saj, Jehonën. Dy motrat kanë tërhequr shumë vëmendjen me një foto nga shkretëtira, të veshura plot stil dhe me një shall në kokë.
Edhe dy motrat Marina dhe Luana në fillim të këtij viti vizituan Dubain. Moderatoret ndodheshin në shoqërinë e partnerëve dhe e shijuan pafund çdo ditë qëndrimi në Dubai. Aventura në shkretëtirë ishte e paharrueshme për dy motrat.
Lori Hoxha zgjodhi që pushimet në Dubai t’i kalojë me Sarën dhe mikeshën e saj të ngushtë. Edhe Lori e Sara pozuan nga shkretëtira me devetë duke treguar se u kënaqën shumë në këtë udhëtim.
Vetëm pak ditë më parë edhe Meda ndodhej në Dubai me familjen e tij. Këngëtari i mirënjohur publikoi foto e video duke u kënaqur me familjen e duke shijuar pushimet në këtë vend.
Një tjetër këngëtar shumë i dashur, Gena i kaloi pushimet në Dubai këtë vit. Gena shoqërohej nga bashkëshortja e tij dhe çifti sollën një foto shumë të bukur ku këngëtari shfaqej i veshur si sheik.
Muajin e kaluar Jona Spahiu zgjodhi Dubain për ta nisur vitin me pushime të mira. Moderatorja shoqërohej nga bashkëshorti, djali dhe miq.
Pak ditë më parë edhe Ledri ndodhej në Dubai me të dashurën. Ledri dhe Sara shijuan disa ditë pushimi dhe nuk munguan fotot e shumta në rrjete sociale.
https://www.instagram.com/p/B7RAMtVhvre/?igshid=1rm7oga96gkly
