Prej disa ditësh Shqipëria ka hyrë në listën e vendeve të prekura nga koronavirusi Covid-19. Në këto kushte qeveria mori masa për të parandaluan përhapjen e virusit dhe një prej tyre ishte vetizolimi në shtëpi. Me këtë rast shumë prej nesh i janë përkushtuar pasioneve dhe gjithashtu VIP-at përmes postimeve në Instagram na kanë treguar se pasioni për gatimin ka qenë një e përbashkët e tyre.
Arbana Osmani ka ndarë me fansat çdo ditë disa receta të saj gatimesh, disa të përfshira edhe në librin “Receta për 5 minuta”. Së fundmi Arbana u mësoi ndjekësve një recetë biskotash me mollë dhe tregoi se më vonë mori 1 mijë foto nga fansat që i kishin provuar këto biskota në shtëpi.
Marsela Çibukaj gjatë qëndrimit në shtëpi si rrallëherë po ndan me fansat receta gatimesh. Njërën prej tyre këngëtarja e përshkruan si më poshtë: “Sot do gatuaj me kenaqesi “sallate patellxhanesh” . Te pjekura ne furre dhe me tej sapo te ftohen do ti bej sallate me domate te vogla, hurdhra shume, majdanos, krip, piper te zi dhe vaj ulliri. Eshte nje sallate qe mund ta konsumojme ne disa dite duke e ruajtur ne frigorifer dhe keshtu te evitojme te dalim prap per perime”
Aulona Musta gjithashtu i është përkushtuar gatimit këto ditë. Moderatorja recetën e saj e ka ndarë në Instagram për të gjithë ata që duan ta provojnë. Aulona me humor shkruan se deri në fund të karantinës faqjen e saj mund ta kthejë në faqe gatimesh pasi ka patur shumë interes tek kjo pjesë.
Iva Tiço ju mëson si të bëni një tartë të shijshme për mëngjes. “Brumi i bërë me nge pati kohën e mjaftueshme të pushonte një orë në frigorifer, të piqej në fillim përgjysmë me gurët sipër dhe pastaj të pritej me formë. Mund ta bëni dhe ju, edhe pse ndoshta pa këto tertipet e formës. Nuk kërkon pazar ekstra, mjafton të keni reçel, gjalpë, sheqer miell dhe vezë. Reçelin e zgjidhni sipas shijes, unë preferova atë të kajsisë”
Gjithashtu shumë VIP-a të tjerë i janë përkushtuar gatimit, si Jonida Shehu e cila shfaqet duke gatuar me vogëlushen e saj, Olta Boka e cila ka gatuar një tavë peshku apo Era Rusi e cila ka postuar një video duke gatuar plot energji në shtëpinë e saj./revistawho.com
