“Big Brother VIP Kosova 4” po hyn në një fazë krejt të re. Gjatë spektaklit të së martës moderatori Alaudin Hamiti njoftoi një risi historike për programin: për herë të parë do të realizohet një shkëmbim banorësh me edicionin italian “Grande Fratello”.
Hamiti bëri të ditur se banorja e përzgjedhur për këtë aventurë 1 javore është Dolce, një nga figurat më të komentuara të këtij sezoni. Ajo do të udhëtojë drejt Italisë, ku do të futet në shtëpinë e “Grande Fratello”-s dhe do të përjetojë një eksperiencë tërësisht të re televizive.
Ky bashkëpunim konsiderohet një hap i madh për produksionin, duke e çuar formatin drejt një prezence më të gjerë ndërkombëtare dhe duke i shtuar lojës dinamika të reja që pritet të sjellin shumë reagime nga publiku.
