Në një nga momentet më prekëse të sezonit në Ferma VIP, Alba Pollozhani u bë zëri i grave që kanë kaluar dhunë dhe izolim. Historia e saj personale tronditi publikun dhe pjesëmarrësit, duke e kthyer rrëfimin e saj në një mesazh shprese dhe fuqizimi.
Ish-fermerja foli me sinqeritet për vitet e vështira në martesë, ku përjetoi keqtrajtim nga bashkëshorti i saj. “Unë e dëgjova veten time,” tregoi Alba mes lotëve, duke shpjeguar se as pas ndarjes gjërat nuk u bënë më të lehta. Mungesa e mbështetjes nga familjarët e saj pas divorcit e bëri edhe më të vështirë rikthimin në jetë.
Megjithatë, përballë kamerave dhe një audience të madhe, Alba nuk pranoi të mbetej vetëm viktimë. Ajo dha një mesazh të fuqishëm solidariteti, duke reflektuar mbi rëndësinë e dëgjimit të brendshëm dhe ndihmës ndaj atyre që kanë më shumë nevojë:
“Po mendoja se nuk meriton kaq shumë kohë televizive, pasi mendoj se ka fëmijë që meritojnë më shumë vëmendje. Ka fëmijë që vuajnë, nuk kanë prindër, janë sëmurë.”
Moderatorja Luana i kërkoi që të lëshojë mburojën dhe të japë mesazhin e saj. Alba nuk hezitoi:
“Nëse të gjithë i keni kundër për të dalë nga ajo vorbull ku jeni, pa marrë parasysh mendimin e njerëzve, ju duhet të dilni se jashtë ka një botë shumë të bukur. Do gjeni edhe njerëz që pa qenë nevoja që ju të flisni do ju ndihmojnë. Zoti sjell gjithçka.”
