Ky vit mund të cilësohet viti i hiteve të reja. Nga këngët “solo” te bashkëpunimet, çdo ditë listës i shtohet një e re. Vende të ndryshme, zhanre të ndryshme, por a i keni menduar ndonjëherë titujt e këngëve dhe jo vetëm të këtij viti? Ne po dhe pikërisht këngët kushtuar “katileve”. Kaq shumë tituj me “katile”, sa shpjegimi mbetet i paqartë. Ne kemi bërë një listë me hitet kushtuar katileve, për të cilat këngëtarët përveç këngës, nuk kanë dhënë asnjë shpjegim tjetër.
Don Xhoni-Katile
Listën po e nisim nga kënga e fundit, ajo e Don Xhonit.
“Ah moj katile, ti moj katile”, thotë këngëtari dhe duhet ta themi se është këngë që mbetet në memorie gjithë ditën.
Deyzoh ft Florian Tufallari- Katile
“Kati-katile, sa për ty jam deh”, mesa duket këtu katilja është ndryshe nga kënga e parë e listës.
Majk-Katile
Kënga “Katile” e Majkut është publikuar 5 vjet më parë. “Kati-katile ti je”, i thotë Majku. Asokohe ishte një prej këngëve më të dëgjuara, e ndoshta edhe dedikimi ideal.
Gjesti-Katile
Edhe pse katilja e Gjestit nuk është në refren, kënga titullohet pikërisht kështu. “Veç për dashni, katile katile, helm i zi”.
Irkenc Hyka-Katile
Edhe Irkenci I ka kënduar katiles. “Se ti je e bukur, por katile, si ma bone mu me hile”, kështu shtohet në listë një “katile” e re.
Donjeta Morina- Katile
Donjeta nga ana tjetër i këndon katiles që ndau një çift. “Ah katile çka na bone,kur na ndave ça fitove”. Kështu listës së katileve i shtohet dhe kjo.
Butrint Imeri ft Tayna ft Mozzik-Pare
Në këtë këngë titulli nuk është katile, por refreni i Butrintit ka pikërisht këtë fjalë dhe është bërë jo oak virale në rrjetet sociale.
“A su ngive moj katile? Me këto gabime”, thotë Butrinti.
Në listë mund të shtohen edhe shumë këngë të tjera, por ne kemi zgjedhur ato më të dëgjuarat, si në vitet më parë, edhe në 2022-in.
