Në fillim të këtij viti dy reperët Mozzik dhe Getinjo u përballën me një problem me kompaninë ‘OnRecord’ me të cilën bashkëpunonin prej kohësh për këngët e tyre. Dy vëllezërit patën dhe debat publik me menaxherin e kësaj kompanie dhe si përfundim vendosën të hiqnin dorë përfundimisht prej saj. Mesa duket kjo fazë ka kaluar për dy reperët, sepse mendohet se ata tashmë mund të kenë krijuar kompaninë e tyre për prodhimin e këngëve. Ata kanë bërë publike një faqe në ‘Instagram’ të cilën e kanë quajtur ‘2 Euro Gang’ dhe kjo mendohet se është edhe emri i kompanisë së tyre. Në faqe ka dhe një përshkrim ku thuhet: “ Ne jemi e ardhmja, jemi pozitivë, luftojmë, ëndërrojmë, nuk dorëzohemi. Nga 2€ në miliona” Mozzik dhe Getinjo mund të kenë zgjedhur këtë emër, duke qenë se ata kanë deklaruar se e kanë nisur karrierën e tyre me shumë pak para dhe tani kërkojnë të bëjnë emër në tregun muzikor shqiptar.
