Klajdi Haruni dhe partnerja e tij Orgesa u bënë prindër për herë të parë këtë tetor. Së fundmi ka qenë Klajdi ai që ka ndarë disa nga emocionet e para të këtyre ditëve.
Në një lidhje telefonike për emisionin “Pardon My French”, ai ka folur për përvojën e tij si baba. Në momentin e intervistës, sapo ishte kthyer nga Franca dhe e kishte vogëlueshen Hea në krahë.
Si e zgjodhën emrin?
“Për mua dhe për nusen ka qenë shumë e veçantë si histori. Kemi parë një listë me 10 emra dhe ndaluam të dy tek emri Hea. U munduam që të gjenim ndonjë më të bukur, por ky ishte dashuri me vendim dhe shikim të parë si thuhet. Hea do të thotë “mirësi”, “hijeshi”, pra të mirë si mami dhe babi. Emër korean”, tha ai.
Si është kjo periudhë?
“Po e shijojmë, normalisht me ato vështirësitë e veta të fillimit. Unë po e shijoj shumë, është edhe shumë herët për të folur, por akoma nuk e kam marrë veten tamam. Më duket vetja si në një ëndërr shumë të bukur që na ka bekuar Zoti”.
Kujt i ngjan më shumë bebushja?
“Mendoj që është një mix midis të dyve. Njerëzit e Orgesës thonë që i ngjan asaj ndërsa njerëzit e mi thonë: “Ua kopje si ti”.
Po Flori Mumajesi ç’dhuratë i bëri vogëlushes?
“Dhurata e parë fare që ka qenë një nga më të shtrenjtat për mua ka qenë kur sapo kisha marrë vesh lajmin që Orgesa është shhtatzënë dhe kur kam shkuar në studio për t’ia thënë Florit dhe ai ka bërë një melodi shumë të bukur. Atë që kemi vendosur tek klipi për Gender Reveal dhe kjo besoj që është dhurata që vlen më shumë nga të gjitha”. Rëndësi ka që Hea është në një mjedis me shumëëëëë dashuri.
