Para pak ditësh, moderatorja e njohur Alketa Vejsiu njoftoi të gjithë ndjekësit e saj se po realizonte ëmdrrën e saj të madhe për të qenë në skenën e Sanremos si moderatore.
Së fundmi në një intervistë për ‘Bluetooth’, moderatorja ka zbuluar detaje si momenti i parë kur mori vesh lajmin deri tek programi i saj, i cili do të jetë: prezantin, këndim dhe një monolog.
“Ftesa më erdhi nga Amadeus, i cili këtë vit do të jetë dhe drejtori artistik i festivalit. Isha rrugës për në Prishtinë, kur morra vesh lajmin. Praktikisht lajmin e mora vesh kur isha në kufi, në Morinë. Nuk kam se si ta përshkruaj emocionin që ndjeva. Ishte pika kulmure e karrierës sime. Prej vitesh kam kontakte me televizionin italian, organizatorët më kishin parë në intervistën time në ‘Rai Uno’ pas tërmetit dhe natyrisht që festivali i ‘RTSH-së’ ishte dhe një tjetër hapësirë ku ata konfirmuan që unë isha e duhura për të qenë në atë skenë. Gjithësej do jenë 5 netë, unë do të jem në natën e tretë së bashku me Georgina Rodriguez, partneren e Ronaldos. Do të kem dy veshje, ishin të shumtë ‘brand-et’ që kërkuan të më vishnin, por kam zgjedhur ‘Dolce & Gabbana’ për njërën nga veshjet. Natyrisht që veshja tjetër do të jetë një ‘brand’ shqiptar, por preferoj ta mbaj surprizë. Programi im është të prezantoj, të këndoj si dhe kam një monolog. Natën e tretë do jenë të ftuar Mika, Massimo Ranieri, Lewis Capaldi, Roberto Benigni, Fiorello, Tiziano Ferro. Këto janë detajet që mund t’ju zbuloj paraprakisht”, ka treguar Alketa.
Ajo ka shtuar se do të fokusohet e gjitha tek ky projekt duke mos u marrë aspak me gojët e liga./revistawho.com
