Modelja e njohur, Aurela Hoxha ishte ftuar në emisionin “Në Kurthin e Piter Pan” në Tv Klan për të folur si rrallëherë për jetën e saj personale. Aurela prej vitesh jeton në Spanjë me partnerin e saj për të cilin tregoi se janë njohur në Ibiza. Ajo është bërë tashmë nënë e dy fëmijëve dhe ka treguar arsyen pse shtatzënitë i ka mbajtur të fshehta.
Mendoj se është gjëja më e bukur në jetë që të sjellësh në jetë një fëmijë. Nuk është aspak e vështirë që pastaj të kthehesh në format e tua. Mos e përjetoni si stres, por përjetojeni si gjënë më të bukur në botë dhe realisht ka qenë kjo arsyeja pse nuk kam publikuar fotot e mija sepse nuk doja të komentohesha për format e mia, ndërkohë që po përjetoja një ndjenjë aq të bukur sa është ajo e shtatzënisë.
Burrin nuk e mbaj sekret, por ideja është që i ke parasysh këto gjëra që na pëlqejnë ne vajzave, Instagrami, jeta shumë publike. Meshkujt nuk është se ju pëlqen dhe aq shumë, meshkujve shqiptarë për më tepër, edhe kështu që unë nuk dua ta sforcoj diçka që ai nuk e ka dëshirë. Duke qenë se jeta ime profesionale është publike, nuk do të thotë që patjetër duhet të jetë dhe familja. Por kjo nuk do të thotë që unë e mbaj sekret, ne jemi gjithë kohës bashkë dhe nuk bëjmë një jetë sekret, thjesht nuk jemi të ekspozuar në Instagram. Në pushime në Ibiza, atje gjeta princin.
