Justin Bieber festoi 32-vjetorin mes urimesh nga fansa në mbarë botën. Por ishte mesazhi i nënës së tij, Patti Mallette, ai që e ktheu këtë ditë në një moment intim e thellësisht emocional. Në një dedikim publik, ajo rikujtoi fillimin e gjithçkaje me fjalët:
“32 vite më parë, jeta ime mori një tjetër kuptim. U bëre djali im, zemra ime dhe mësimi im më i madh për dashurinë. Që nga ai moment, asgjë nuk ka qenë më njësoj. Ti ke qenë gjithmonë në zemrën time”, duke e vendosur marrëdhënien e tyre përtej çdo suksesi apo fame.
Në vijim, Mallette theksoi forcën dhe besimin që sheh tek i biri, duke shkruar: “Unë e di kush je dhe e di çfarë force dhe qëllimi ke brenda vetes. Besoj se Zoti ka qenë gjithmonë pranë teje dhe nuk e ka larguar dorën nga jeta jote. Ai është aty dhe unë gjithashtu. Dashuria ime për ty nuk është larguar kurrë dhe nuk do të largohet”, një deklaratë që përforcon një lidhje të pathyeshme mes nënë e bir.
Duke folur për të ardhmen e artistit, ajo la të kuptohet se rrugëtimi i tij është ende në ngritje. “Ka kaq shumë përpara teje. Ka ende qëllim, zhvillim dhe bekime në pritje. Pavarësisht viteve që kalojnë, ti do të mbetesh gjithmonë një nga dhuratat më të çmuara që kam marrë në jetë”, shtoi ajo, duke e përmbyllur me një urim të thjeshtë, por të fuqishëm:
“Gëzuar 32-vjetorin. Të dua gjithmonë, Justin Drew Bieber”.
