Mbrëmja e djeshme në “Big Brother VIP” ka qenë e mbushur me emocione. Një nga momentet më prekëse ishte kur Efi tregoi historinë e saj abusive të dashurisë.
Historia e Efit: Unë u dashurova me dike në moshë të vogël , aq shumë sa në 2016 shkova në Zvicër, u bëra prona e tij nuk dilja më nga shtëpia, dilja vetëm 1orë e 30 minuta. Më bënte mos ta doja veten , derisa arrita mos ta shihja veten ne pasqyrë. Derisa arrita që kur ai gabonte të kërkoja falje. Familja ime e vuante shumë. Në heshtje kam tentuar vetëvrasjen. Më këshillonin por nuk dinin më shumë se aq. Dhe pasojat e kësaj gjëje më janë larguar shumë vonë, vura atë para nënës time, se ai më ndalonte të dilja me nënën time, kërkoj shumë falje, për të gjitha këto. Jam pishman për vitet që i humba vetes time, por unë kam një familje të mrekullueshme, e kam kuptuar vlerën tuaj, nuk e imagjinoj dot veten pa ju. Më falni, do përpiqem t’ju bëj krenarë!
Pas këtij momenti, banorja u surprizua nga e ëma.
Nga ana tjetër Tea dhe Olta u përfshinë në një sherr. Tea ka pretenduar se Olta i ka thënë se Genti ia ka bërë me gjeste, mirëpo aktorja e ka mohuar. Kaq është dashur që mes tyre të ngrihen tonet e zërit.
Ndërkohë Vëllai i Madh ka dënuar banorët pasi ata kanë thyer rregullin e formatit duke diskutuar nominimet.
“Jeni treguar moskokëçarës për rregulloren. Ju keni thyer rregullin kryesor të formatit. Kështu që nga nesër do të keni ujë vetëm 20 minuta në ditë, do njoftoheni nëpërmjet gongut për kohën kur vjen dhe ikën ujin, për të gjitha funksionet që ju duhet”, u tha Arbana.
Gjatë spektaklit nuk munguan dhe deklaratat e dashurisë, ku Kiara për herë të parë pranoi se Luizi po ja bën këtë eksperiencë më të bukur.
Kiara: Sigurisht që kjo është lojë dhe kemi hyrë vetëm. Por sigurisht që po të thoja që s’më bëhet qejfi do ishte gënjeshtër se Luizi po ma bën këtë eksperiencë edhe më të bukur. Unë me Luzin kam krijuar një mur, por këtë e bëj dhe jashtë se dua kohë ta njoh dikë.
Banori që u eliminua mbrëmjen e djeshme ishte Herion Mustafaraj. Para se të largohej, ai kishte një mesazh për banorët. “Uroj që kjo shtëpi të gjej paqe nga mashtrimet dhe intrigat këtu brenda!”, tha aktori.
