Supersticionet kanë ekzistuar që me lindjen e njerëzimit dhe janë përcjellë deri në ditët e sotme. Supersticioni është diçka shumë subjektive, por të gjithë personat që besojnë në të tilla gjëra janë të sigurt se fati i tyre mund të ndryshojë për mirë ose për keq falë supersticioneve. Jo vetëm njerëzit e zakonshëm, por edhe personazhet e njohur shpeshherë i tremben të tilla gjërave dhe për t’ju shmangur fatit të keq kryejnë disa rituale. Por se cilët janë disa nga supersticionet e VIP-ave shqiptarë e zbuloni më poshtë.
Inva Mula
Në një intervistë në emisionin “Studio e hapur”, sopranoja e njohur ka treguar se futet gjithmonë me këmbën e djathë në skenë ose vesh gjithmonë këpucën e këmbës së djathtë. “Kam një ritual që futem me këmbë të djathtë gjithmonë në skenë, ose vesh kostumin, vesh këpucën e kostumit gjithmonë me këmbën e djathtë.”, – ka treguar Inva.
Floriana Garo
Në një intervistë gjatë shtatzënisë së saj për “Revista Who”, bukuroshja Floriana Garo ka thënë se nuk ka dashur ta bëjë publike shtatzëninë që në muajt e parë, sepse është supersticioze. “Mendoja që gjithçka mund të ndodhte në muajt e parë dhe doja të isha e qetë, jashtë vëmendjes së njerëzve për këtë rast.”, – ka rrëfyer ajo.
Olta Boka
Shumë vite më parë, këngëtarja e njohur ka treguar se duke qenë se është supersticioze nuk i pëlqen t’i tregojë paraprakisht planet artistike nëse nuk kanë përfunduar tërësisht. “Jam supersiticioze nuk i them gjërat paraprakisht edhe planet artistike i mbaj sekret. Dëshira për t’iu ruajtur diçkaje të keqe që mund të ndodhë është më e fortë se vetë unë.”, – është shprehur Olta.
Ilva Tare
Tani është nënë e dy fëmijëve, por në emisionin “Why Not”, Ilva Tare ka treguar se nuk dëshiron të zbulojë fytyrën e fëmijëve, sepse është supersticioze. “Do të doja ta evitoja, të mos bija pre e syrit të keq. Nuk e di nëse besoj apo jam e fiksuar”, – ka thënë gazetarja e njohur.
Armina Mevlani
Pavarësisht se Armina duket shumë aktive në rrjete sociale ajo ka treguar se nuk dëshiron të publikojë gjithçka që i ndodh për shkak se beson në supersticione. Madje një unazë që ka marrë njëherë nga Shkëlzeni nuk e ka publikuar për shkak të kësaj gjëje.
Klea Huta
Rreth dy vite më parë u tha se ajo do të fillonte aktrimin në Turqi, por kur u pyet për planet e saj, Klea u shpreh: “Nuk dua të jap shumë detaje sepse jam supersticioze dhe më sjellin ters. Por janë disa plane të mia të afërta.”
Luana Vjollca
E vetmja gjë të cilës Luana i frikësohet është kalimi i një maceje të zezë pranë.
Gianni de Biasi
Ish-trajneri i kombëtares shqiptare ka thënë se disa vite më parë përpara se të dilte në fushë mbante në duar një hajmali dhe kryente disa rituale për t’i ecur mbarë.
Ben Blushi
Gazetari i njohur në një intervistë në emisionin e pasdites “Rudina” ka treguar se çdo vit që mbaron me numrin 7 i ka ndodhur diçka madhore në jetë. 1987 mbaroi gjimnazin, 1997 kaloi nga gazetaria ne politikë, 2007 filloi të shkruante prozë të mirëfilltë. Gjithashtu ai ka thënë se në momentin që fillon të shkruajë një libër nuk i tregon askujt, sepse ka frikë mos i ndryshohet fabula. /revistawho.com
