Jonida Maliqi ka nisur punën intensive për pjesëmarrjen në ‘Eurovision’. Këtë vit ajo u zgjodh përfaqësuese e Shqipërisë me këngën ‘Ktheju Tokës’, një prodhim muzikor shumë i mirë që ka prekur zemrat e publikut vendas dhe të huaj.
Prej ditësh, Jonida ka udhëtuar drejt Tel Avivit ku po zhvillon intervista dhe po performon për të promovuar këngën e saj. Krahas njohjes me njerëz, ambjentimit dhe shkëmbimit të eksperiencave, këngëtarja shqiptare po bën një punë intensive që çdo gjë të shkojë siç është parashikuar. “Kur pasioni nuk e njeh lodhjen. 10 orë xhirime. Kartolinë nga ‘Eurovision”,-ka shkruar Jonida krahas fotos së shkëputur nga xhirimet.
Kujtojmë se Maliqi ka premtuar disa surpriza dhe të papritura për të gjithë mbështetësit e saj dhe këto pamje të publikuara vetëm na shtuan kuriozitetin. /revistawho.com
