Meta ka njoftuar se filtrat e bukurisë nuk do të jenë më të disponueshëm në aplikacionet e saj që nga janari 2025. Kjo do të thotë se më shumë se dy milionë filtra të krijuar në WhatsApp, Facebook dhe, më së shumti, Instagram do të zhduken.
Filtrat janë bërë një veçori kryesore në Instagram. Më viralet prej tyre – të cilat shpesh përfshijnë zbukurimin e pamjes së përdoruesit – krijohen nga vetë përdoruesit nëpërmjet Meta Spark Studio.
Por përdorimi i filtrave zbukurues AR ka qenë prej kohësh i lidhur me përkeqësimin e shëndetit mendor dhe problemeve të imazhit të trupit tek gratë e reja.
Në teori, heqja e shumicës dërrmuese të filtrave të Instagramit duhet të sinjalizojë një pikë kthese për standardet joreale të bukurisë.
