Vanessa Paradis, Kate Moss, dhe Cara Delevingne janë tre nga bukuritë që inspiruan vizionin kreativ të Karl Lagerfeld. Nga modelja franceze Ines De La Fressange, tek këngëtarja britanike Florence Welch, ndonjëherë edhe artistët meshkuj, kanë shërbyer si muza për drejtuesin kreativ të ‘Chanel’. Karl Lagerfeld ka qenë shumë i njohur për krijimin e bashkëpunimeve me femrat më të bukura, por ai i hap rrugë kësaj gjëje në fillim të viteve 1980 me Ines De La Fressange.
Kur Lagerfeld zgjodhi De La Fressange si muzën e tij, modelja e njohur mori shumë famë, duke u bërë imazh i fushatave të ‘Chanel’. Gjithashtu duke qenë se ishte pjesë e sfilatave të firmës së njohur, Ines u ftua në rrethin e brendshëm krijues të studios së Karl. Më pas ajo u përzgjodh edhe si ambasadorja e parë e markës franceze, derisa u nda nga Lagerfeld në 1989. Dy dekada më vonë ata u pajtuan dhe De La Fressange u shfaq në 2011 në sfilatën pranverë/verë të ‘Chanel’. Lagerfeld ka bashkëpunuar me modelet më të njohura si: Kristen McMenamy, Linda Evangelista, Claudia Schiffer, Stella Tenant dhe Kendall Jenner.
Shumë femra të njohura të ‘Hollywood-it’ kanë shërbyer si muzë për Karl Lagerfeld, ku ndër to mund të përmendim: Julianne Moore, Kristen Stewart, Lily Allen, Miley Cyrus, Diane Kruger. Karl Lagerfeld ka dashur që gjithmonë të ecë përpara dhe për këtë arsye ai është inspiruar nga emrat që përkufizojnë kulturën bashkëkohore. /revistawho.com
