Pavarësisht se vjen nga një vend i vogël, Dua Lipa nuk e ka mohuar asnjëherë origjinën e saj. Këngëtarja nga Kosova ka treguar gjithmonë me krenari se rrënjët e saj janë shqiptare. Tashmë të gjithë e njohin vendin e Duas dhe këngëtareve të tjera që kanë folur për origjinën e tyre si Rita, Bebe apo Era. Së fundmi Kosova është “vendosur” edhe në sheshin e Times Square, si pjesë e reklamës së arritjeve të Dua Lipës. Dukagjin Lipa ka ndarë me të gjithë ndjekësit një fotografi nga sheshi më i madh në New York, në të cilën shihet Dua Lipa në ‘ledwall-in’ e reklamës së ‘Spotify’. Në ekranin e madh i bëhet jehonë sukseseve të Duas, sepse në të shkruhet: “Nga Kosova në Mbretërinë e Bashkuar për nominimin e ‘Arstistes së re më të mirë’”.
Këngëtarja me origjinë shqiptare këtë vit është nominuar në dy kategori në ‘Grammy Awards’, për ‘Artistja e re më e mirë’ dhe për ‘Këngën më të mirë dance’. /revistawho.com
