Kostumet ishin zgjedhja kryesore e politikaneve ditën e sotme teksa u drejtuan në qendrat e votimit për të votuar shoqëruar nga bashkëshortët dhe fëmijët.
Monika Kryemadhi u shfaq e veshur me një kostum ngjyrë rozë pastel.
Jorida Tabaku me një kostum bojëqielli teksa shoqërohej nga bashkëshorti dhe fëmijët.
Ori Nebijaj me kostum të bardhë, e shoqëruar nga e ëma teksa u shpreh gati për detyrën e re.
Sali Berisha shoqërohej nga bashkëshortja Liri, e cila ishte veshur me fustan dhe xhaketë ngjyrë rozë.
Kryeministri në detyrë, Edi Rama shoqërohej gjithashtu nga bashkëshortja, e cila kishte zgjedhur një fustan të zi dhe pardesy ngjyrë vishnje.
Lulzim Basha u shfaq i vetëm në kutitë e votimit, i veshur me kostumin klasik të zi dhe këmishë të bardhë.
Agron Shehaj shkoi të votojë së bashku me bashkëshorten, të dy të kombinuar me të njëjtën ngjyrë.
Evis Kushi gjithashtu e shoqëruar nga bashkëshorti, kishte zgjedhur kostum.
Zëdhënësja e Partisë Demokratike, Floriana Garo u shfaq me fustan blu dhe pallto të kuqe.
Ndërsa Ajola Xoxa ndryshe nga të tjerët u shfaq me fustan me lule dhe xhaketë lëkure ndërsa Erion Veliaj casual me xhinse këmishë dhe xhaketë lëkure.
