Revista e njohur ‘Time’ çdo vit bën një renditje të personave më me influencë në internet. Këtë vit në këtë listë janë përfshirë 25 persona nga fusha të ndryshme, duke filluar nga politika, arti e me radhë. Në këtë listë të gjatë bënin pjesë edhe disa nga personat më të njohur nga bota e showbiz-it, duke përmendur këtu Kylie Jenner, Kanye West dhe Rihanna.
Kylie Jenner numëron plot 100 milionë ndjekës në ‘Instagram’-in e saj. Ylli i ‘Keeping Up With The Kardashians’ është një ndër vajzat më të ndjekura për stilin e saj dhe mënyrën e jetësës. Këtë vit fotografia e parë me vajzën e saj, Stormi Webster, u kthye në fotografinë më të pëlyqer.
Kunati i saj Kanye West gjithashtu është i përfshirë në këtë listë. Këtë vit ai u rikthye sërish me deklaratat e tij befasuese në ‘Twitter’, pas dy muajsh mungesë dhe heshtje të gjatë.
Gjithashtu në listën e personave më me influencë përfshihet edhe Rihanna. Këngëtarja ka qenë një ndër personazhet më aktivë në rrjete sociale dhe internet. Ajo ka përdorur një platformë për të dëgjuar fansat, për të promovuar ‘make up’-in e saj dhe ishte ndër të parat që denoncoi një problem të madh të ‘Snapchat’ këtë vit.
Në këtë listë përfshihet edhe grupi i njohur ‘BTS’, Presidenti i SHBA-ve Donald Trump, aktorja Busy Philipps, personazhet e njohur të ‘Youtube’ Logan dhe Jake Paul etj. /revistawho.com
