Tayna ka qenë e ftuara speciale e kësaj të shtune për herë të parë në “Shiko kush luan”. Përpos performancës në studio, reperja u bë pjesë e lojës ‘Paintball’, ku pati jo pak për të zbuluar.
Me fotot e disa prej personazheve vendosur në një tabelë, Tayna ka shënjestruar një nga një ata të cilët vlenin si përgjigje për pyetjet e drejtuara reperes. Sipas Tayna-s, Loredana është në kulmin e karrierës, megjithatë ajo do ta dëshironte një bashkëpunim me Mozzik. Ledri Vulën këngëtarja e ka zgjedhur si reperin që pëlqente më shumë para famës, ndërsa ka zbuluar se në makinë dëgjon MC Kreshën.
Majk e ka cilësuar si kolegun ‘e rënë nga fiku’, ashtu sikurse po të njejtin emër ka zgjedhur për artistin që i uron më shumë fat në 2020-tën, pasi 2019-ta nuk rezultoi si i tillë. Për sa i përket Onatit, Tayna e ka shë jestruar dy herë si këngëtarin që nuk do të bënte kurrë bashkëpunim dhe që ka tekstet më të dobëta.
Për sa i përket ‘diss’-eve, Tayna ka deklaruar se nuk do t’i bënte asnjërit e sidomos asnjërës prej kolegeve, ashtu sikurse ka rrëfyer se asnjë nga reperët e shfaqur në fotot përballë saj nuk përmbushte kriteret e mashkullit ideal për një lidhje me reperen.
