Blendi Fevziu gjithmonë ka treguar se është shumë i apasionuar pas udhëtimit dhe zbulimit të vendeve të veçanta në mbarë botën. Mund të themi pa frikë se ai është një ndër personazhet që ka vizituar më shumë vende dhe në secilin prej tyre ka provuar eksperienca të rralla. Një nga më të veçantat që e ka bërë edhe pjesë të përhershme të pushimeve të tij, është ‘snorkeling’. Ky është një lloj zhytje në thellëstë e deteve për të eksploruar botën nënujore. Fevziu ka rreth 20 vite që me mjetet dhe veshjen e posaçme viziton botën nënujore në mbarë botën. Kudo ku është zhytur ka zbuluar diçka të veçantë, prandaj kjo është me të vërtetë një eksperiencë magjike. Duke filluar nga Oqeani Indian deri në ujërat e kaltër të Detit Jon këto kanë qenë vizitat më të bukura nënujore të Blendi Fevziut. Me siguri pas këtyre fotove të gjithë do të ndjeni dëshirën ta provoni të paktën njëherë këtë aventurë kaq të veçantë. /revistawho.com
