Modelja 24-vjeçare, Kristina Baki është një nga pjesëtaret e kastit të filmit ‘Falco’ i cili do të dalë shumë shpejt në kinema. E ftuar në programin ‘Rreze Dielli’ ajo ka ndarë historinë se si u bë pjesë e komedisë. “Ftesa më ka ardhur nga regjisori i filmit Eduart Grishaj. Unë kam punuar në një projekt me të më përpara. Ai më sygjeroi tek ky rol, mendoi që më përshtatej. Unë jam bashkëshortja e Arben Derhemit në film, kam një rol jo shumë të madh, por është një eksperiencë interesante. Pjesa që më pëlqen më shumë është dasma, ishte pjesa ku shkrihesha duke qeshur pasi kishte shumë batuta. Me zor po pres që të dalë filmi që të shoh edhe pjesën që nuk kam qenë pjesë. Dhe për mua ishte kënaqësi të merrja pjesë në një film me kaq shumë artistë të njohur dhe personazhe të njohura të showbiz-it. Do kisha shumë qejf të marr sërish pjesë në një film tjetër, ku të kem një rol edhe më aktiv”, shprehet Kristina Baki gjatë intervistës. Kristina ka arritur në pak kohë të jetë emër i dëgjuar në botën e modelingut dhe së fundmi po eksperimeton dhe në atë të kinematografisë.
