Nga modele në çfarë? Karriera e Angela Martinit ka marrë një kthesë 360 gradë

Angela Martini prej vitesh është larguar nga Shqipëria për të vazhduar karrierën e saj në Amerikë. Pasi i dha fund beqarisë me miliarderin romun, Dragos Savulescu, askush nuk e dinte me siguri cilat ishin planet e saj në lidhje me modelingun. Mesa duket, Angela ka vendosur të ndryshojë profesion, duke u kthyer kështu në shkrimtare. Ajo është duke punuar mbi librin e saj të dytë dhe sipas disa revistave të huaja, ajo është një shkrimtare shumë e zonja. Libri i saj ka në fokus marrëdhëniet e njerëzve dhe njëkohësisht, po merret me xhirimin e dy filmave me metrazh të shkurtër, në rolin e producentes. Këto i ka zbuluar në një intervistë për ‘Thriveglobal.com’ dhe ‘Authority Magazine’, ku gjithashtu është shprehur: “Filmi i parë lidhet me idenë filozofike të pavdekësisë ndërsa filmi i dytë ka të bëjë me trafikimin e qenieve njerëzore, ose më saktë, lidhet veçanërisht me femrat që janë viktima të trafikimit njerëzor”. Ndërsa për këdo që do të bëhet një autore si Angela, këshilla e saj është të dëgjojnë shpirtin dhe të jenë të ndershëm me veten./revistawho.com