Reperi i njohur Mozzik ka bërë të ditur se ka nisur një kapitull të ri në jetën e tij profesionale: një çerdhe moderne për fëmijë, të cilën e ka pagëzuar me emrin e vajzës së tij, Hana.
“Hana Kids” hap dyert sot, të hënën, më 25 gusht, duke synuar të ofrojë kujdes dhe edukim me dashuri për më të vegjlit. Çerdhja ndodhet në Ferizaj dhe përfshin një hapësirë të madhe prej 1300 m², ku çdo fëmijë mund të ndihet si në shtëpi.
“Fëmijët janë e ardhmja jonë! Ata nuk kanë nevojë vetëm për kujdes, por për dashuri, siguri dhe një ambient që i rrit me buzëqeshje e dituri,” u shpreh Mozzik në rrjetet sociale.
Ky hap i ri tregon anën humanitare dhe familjare të reperit, duke sjellë një qasje moderne dhe të përkushtuar ndaj edukimit të fëmijëve në Kosovë.
