Nga muzika, Çiljeta Xhilagën tani do ta shohim në botën e drejtësisë. Këngëtarja është diplomuar për Kriminologji Sociale dhe këtë e ka bërë të ditur përmes Instagramit ku tregon se përfundoi studimet e nivelit master në degën e Kriminologjisë Sociale në Universitetin e Drejtësisë.
Çiljeta aktualisht po angazhohet pranë Klinikave të Ligjit.
“Arti dhe Dija kane ecur paralelisht në jetën time. Edhe pse fakultetin e kam kryer shume vite me parë për shkenca politike,kete vite sapo mbylla nje master ne Kriminologji sociale, nje dege që më ka terhequr gjithmone. Nga sot, e certifikuar dhe e angazhuar pranë Klinikave të Ligjit, pas përfundimit të praktikës 2-mujore të zhvilluar pranë Drejtorisë së Ndihmës Juridike Falas dhe Qendrave të Shërbimit të Ndihmës Juridike Parësore. Zgjedhja për të dhënë kontributin tim në ofrimin e shërbimit të Ndihmës Ligjore Falas, nuk është vetëm një detyrë qytetare, por dhe një detyrim moral, për të ofruar më të mirën atyre që s’kanë mundësi!
2024 ka nisur frytshëm dhe jam e bindur që do të përfundojë bukur, (madje dhe me art) ashtu siç jeni mësuar të më shihni e kërkoni! Ju dua, Çilli. Një falenderim për Ministrin e drejtësise Ulsi Mnaj që sot në fjalimin që mbajti frymëzoi cdo student te pranishëm”, shkruan Çiljeta krah fotos me ministrin e Drejtësisë, Ulsi Manja.
