Ndërsa Jennifer Lopez po përpiqet të kapërcejë divorcin meBen Affleck, duket se një figurë e së kaluarës po afrohet sërish me të: ish-i fejuari i saj, Alex Rodriguez. Sipas burimeve të ndryshme, ylli i bejzbollit është ende i interesuar për mirëqenien emocionale të këngëtares dhe mund të jetë gati të rihapë një kapitull të mbyllur më 2021.
Sipas raportimeve të Radar Online, Rodriguez po e ndjek nga afër situatën e Lopez pas ndarjes me aktorin Affleck. Një burim pranë tij tha se bejzbollisti “gjoja ndjeu nevojën për ta parë” këngëtaren pasi ajo u nda nga Affleck, sepse “Alex ende kujdeset për të”.
Edhe pse marrëdhënia e tyre përfundoi para disa vitesh, lidhja e kaluar mes Lopez dhe Rodriguez është rikthyer në qendër të vëmendjes. Një video e tyre duke kërcyer është shfaqur sërish online, duke ngjallur reagime nostalgjike mes fansave.
Megjithatë, Rodriguez nuk është beqar. Ai është ende në një lidhje me Jaclyn Cordeiro, një marrëdhënie që daton prej dhjetorit 2023. Pavarësisht kësaj, burimi thekson se “ndarjet, sidomos kur je në qendër të vëmendjes, nuk janë kurrë të lehta, dhe A-Rod thjesht donte të siguronte që Jennifer po ia dilte”.
Takimet e fundit mes Lopez dhe Rodriguez duket se kanë qenë të rastësishme, por disa të afërt me çiftin nuk përjashtojnë mundësinë që këto kontakte të jenë hapi i parë drejt një rikthimi romantik.
“Edhe pse ata këmbëngulin që ndërveprimet e tyre të fundit ishin të zakonshme, të gjithë e dimë që JLo e do pak dramën në jetën e saj sentimentale,” shton një tjetër burim.
“Ai ishte vazhdimisht i shqetësuar se ndoshta ndjenjat e vjetra ende po ziejnë nën sipërfaqe,” thuhet më tej, duke lënë të hapur mundësinë që mes ish-çiftit mund të ndizet sërish një shkëndijë.
Për momentin, nuk ka asgjë të konfirmuar, por në botën e famës – dhe të dashurisë së vjetër – gjithçka është e mundur.
