Chrissy Teigen është një nga fytyrat më të pëlqyera në ‘Hollywood’, kjo për shkak të karakterit të saj. Ajo është e njohur si modele, por së fundmi e kemi parë dhe si moderatore, si dhe shkrimtare. Chrissy gjithashtu njihet si gjysma tjetër e John Legend dhe për dy vajzat e mrekullueshme që çifti publikon gjatë gjithë kohës në rrjete sociale. Jeta e saj lidhet me tapetin e kuq, megjithatë fillimet e karrierës së saj nuk kanë qenë aspak të lehta. Në një intervistë për ‘PorterEdit’ modelja është shprehur se ajo nuk e quante veten modele të vërtetë. “Unë bëja para duke punuar si modele në faqe interneti ose katalogje, ku asnjërit nuk i interesonte nëse i kisha sytë hapur apo të mbyllur, sepse askush nuk e shihte fytyrën time”. Më pas Chrissy foli për periudhën kur u zhvendos në Miami dhe jetonte me 5 persona të tjerë, ndërsa ajo flinte në divan. Për 3 muaj me rradhë, Chrissy ka ngrënë ‘burritos’ falas, pasi shoqja e saj filloi punë në një restorant të tillë. Edhe pse tani i kujton si momente të këqija, kur punonte thjeshtë për të paguar qeranë, mund të themi se modelja ia ka dalë të kthehet në 10 personat më të njohur dhe më me influencë në botë, pasi imazhin e saj e shohim në kopertinat e revistave më prestigjoze./revistawho.com
