Fatma Methasani, një nga njerëzit më pozitiv në ekranet shqiptare dhe ndër vajzat më të komentuara, ka qenë e ftuara e radhës në një intervistë ekskluzive për Eraldo Rexhon në ‘Pasditja ime’. Prej pak kohësh u bë publike lidhja e saj sentimentale me Alfion, shefin e njohur të kuzhinës me të cilin prej kohësh bashkëjeton. Shumë pyetje janë ngritur rreth marrëdhënies së tyre, por pak kanë marrë përgjigje.
Këtë herë Fatma, me gjithë çiltërsinë dhe sinqeritetin që e karakterizon ka zbuluar disa detaje të panjohura dhe interesante, duke nisur nga udhëtimi në Tajlandë që u komentua shumë në media. Teksa Eraldo e pyeste për marrëdhënien me paratë, biseda devijoi tek udhëtimi në Tajlandë, i cili siç Fatma tregon ka qenë një dhuratë dhe atje ka qenë bashkë me Alfion.
“Unë nuk isha këtë vit në Tajlandë, por e përdora atë udhëtim për të fshehur lidhjen. Teksa hidhja foto nga atje në të vërtetë ndodhesha në Itali me Alfion. Njerëzit më pyesnin ku je sepse këtej bie shi, ndërkohë fotot e mia ishin me diell”,-rrëfen moderatorja duke qeshur.
Pyetjes si vendosët ta bënit publike dashurinë disa vjeçare tashmë, Fatma i përgjigjet: “Erdhi vetë mendoj. Kishim kaluar në një fazë kur nuk përpiqeshim aq shumë të fshiheshim, por ende nuk ishim gati për ta bërtitur, kështu që ndodhi aksidentalisht. Ne ishim në një mbrëmje duke pirë diçka, bëmë disa foto nga këto që ruajmë edhe tani, por Alfio kishte pirë pak. Unë marr makinën e tij sepse nuk e ngiste dot vetë dhe ndjej telefonin që më binte. Kishte aq shumë mesazhe sa nuk dija çfarë po ndodhte. Ishte ky momenti kur kuptova që Alfio kishte postuar foton tonë dhe u zbuluam”.
Teksa rrëfen detajet e bashkëjetesës me partnerin e saj, moderatorja e dashur për publikun thotë se gjërat nuk janë edhe aq të lehta, sidomos për të, pasi më herët ishte mësuar të kishte kujdesin e dedikuar nga e ëma. Ndërsa për zënkat, ato janë mëse normale, si të çdo çifti shpjegon më tej Fatma.
“Dikur ziheshim shumë, ndërsa tani më pak sepse takohemi më rrallë. Zihemi shumë për faktin që nuk gatuan, ose kur gatuan bën shumë enë për t’u larë. Zihemi pse nuk gjen dot çorapet në mëngjes”,-tregon ajo e qeshur. Ndërsa për kohën e lirë, si çdo çift i ri edhe dy personazhet e njohur të ekranit shijojnë praninë e njëri-tjetrit në mënyra të ndryshme, herë argëtuese e herë më ‘monotone’.
https://www.youtube.com/watch?v=U_F9iSBhRr8&fbclid=IwAR00t0xuDix2v0jQ6LXnJlN9xr_n5LK5uBcZkpIuiDmc_XG2QvQWTrg-7uU
