Nga momenti i parë që bënë publike lidhjen e tyre të dashurisë, Klea Huta dhe Elgit Doda u shndërruan në çiftin e preferuar të publikut shqiptar. Një vit më parë zbuluan gjithçka, por historia e tyre e dashurisë ka nisur kohë më parë. Ditën e sotme, Klea dhe Elgiti ishin të ftuar në emisionin e pasdites ‘Rudina’, ku kanë rrëfyer gjithçka nga njohja deri tek bashkëjetesa. Ata kanë treguar se kanë dy vite që janë të lidhur dhe çdo gjë filloi me bashkëpunimin për këngën e Kleas dhe ‘Alar Band’, ‘Amla’.
Tashmë ata e cilësojnë këngën si himn të dashurisë së tyre dhe prandaj Klea e mban “Amlën” edhe si emër arti. Dyshja kanë rrëfyer se deri më tani gjithçka në marrëdhënie po ecën më së miri, duke qenë se ata shohin tek njëri-tjetri shëmbëlltyrën e nënës dhe babait të tyre. Çifti i njohur zbuluan se jetojnë bashkë dhe se ndihmojnë njëri-tjetrin për çdo gjë. “Elgitin e kam krahë të majtë dhe të djathtë si brenda dhe jashtë shtëpisë”, – u shpreh Klea. Ata thanë se nuk kanë ende në plan të bëjnë fëmijë, duke qenë se kanë shumë punë të tjera me të cilat duhet të merren. Klea dhe Elgiti zbuluan se së fundmi po bashkëpunojnë në akademinë e fëmijëve, “Klea Academy”, ku Huta merret me pjesën e aktrimit, ndërsa Doda me këngën. /revistawho.com
