Sabiani dhe Keisi ishin të ftuar në “Më lër të flas”, ku folën më shumë për eksperiencën e tyre në Big Brother VIP. Sabiani tregoi se nuk donte që Keisi të futej, por pasi ajo kishte këmbëngulur, këngëtari i kishte lënë porosi të mos afrohej me persona të caktuar.
“Para se të futej i thashë Keisit s’ke për tu futur se ky Big Brother është team Luiz. Donte ta provonte dhe s’doja t’ja prishja meqë e kishte marrë vendimin. I etiketova nja dy persona, ja dhashë porosi të mos i afrohej”, tha Sabiani duke lënë të kuptohet për Kristin.
Keisi nga ana tjetër sqaroi edhe arsyen pse i dha fund me Kristin.
“Kristin e lashë se unë jam shumë e përkëdhelur. Jam mësuar të më vijnë nga mbrapa. Më thonte ‘më bëj ti mua për të ngrënë’. Të më bënte mua ai, jo unë atij. Unë e bëj kur kam qejf, por tani 1 herë, 2 herë…s’ka… Ishin shumë arsye, edhe të vogla që publiku nuk i vë re. Ai e kishte fokusin tek vetja. Më erdhi çudi se kur po rrija vetëm, ai më harroi fare. Thashë ky këtë paska dashur. Nuk i bëri përshtypje edhe kur i thashë unë nuk do vazhdojmë më bashkë”, tha Keisi.
E pyetur nëse ndikoi Sabiani në vendimin e saj, bukuroshja u përgjigj: “Fjalët e babit më bënë të reflektoja.”
