Gjithçka filloi me një ngatërresë kur ajo shkoi për të dhënë intervistën në ‘Top Channel’ vite më parë. Konkurronte për grafik designer, por përfundoi duke punuar në montazh.
Të gjithë e mbajmë mend emisionin ‘Kupid’, ku Albana dilte në rrugë dhe bashkonte zemra njerëzish, emision që në atë kohë ishte shumë i pëlqyer nga publiku.
Vitet kaluan dhe Albanës ju besua prezantimi i shumë emisioneve apo programeve të tjerë televizive, si ‘Select’, ‘Albanian got Talent’ etj.
Ajo vazhdon të jetë ende pjesë e televizionit por vëmendja e saj tashmë është zhvendosur diku tjetër, tek misioni për të ndihmuar fëmijët, nëpërmjet fushatës ‘Ti je një luledielli’.
Tashmë Albana mban titullin ‘Ambasadore e Fëmijëve për Paqen ONLUS’ në Shqipëri duke kaluar nga prezantuesja e ‘Kupid’ tek ambasadorja e fëmijëve në nevojë.
Me kalimin e kohës prezantuesja vjen edhe më e maturuar në objektivat e saj, por ruan të njëjtat tipare dhe të njëjtën buzëqeshje si shumë vite më pare./revistawho.com
