Pas prindërve, radha u erdhi vëllezërve dhe motrës. Brooklyn Beckham duket se ka mbuluar edhe tatuazhet që kishte bërë për ta, pas përplasjeve me familjarët.
Më parë, Brooklyn kishte të gdhendur në gishta emrat e vëllezërve dhe motrës. Ato ishin ende të dukshme në një video gatimi të publikuar prej tij më 29 janar, por së fundmi janë mbuluar me një dizajn bardhë e zi në formë reje, që shtrihet në dorë dhe gishta. Ndërkohë, tatuazhet e shumta që ai ka bërë për bashkëshorten, Nicola Peltz Beckham, mbeten të paprekura.
Këto nuk janë të vetmet tatuazhe familjare që ai ka zgjedhur të mbulojë. Pak ditë më parë, në shumë portale qarkulluan foto të krahut të tij, ku tatuazhi kushtuar babait, David Beckham, ishte ndryshuar. Sipas burimeve, Brooklyn ka zëvendësuar edhe një tatuazh tjetër në kraharor, të dedikuar për nënën e tij, Victoria Beckham.
