Xhensila Myrtezaj ka qenë mbrëmjen e kaluar e ftuar në NIN me Alaudin Hamitin. Këngëtarja ka ndarë shumë detaje nga jeta e saj private dhe fëmijëria aspak e thjeshtë, duke i emocionuar të gjithë.
“Kam qenë shumë fëmijë i ndrojtur, e vetmja dritare që ka qenë hapur për mua ka qenë muzika. Paragjykimi ka qenë e vazhdon. A do mundja unë të bëja atë që nëna ime ka bërë? Ime më ka luftuar shumë për mua për motrën time, u përpoq me mish e shpirt që të shkollohemi për të qenë në rrugën e drejtë. Mami gjithmonë ka qenë nënë konservatore. Unë mendoj që këto nëna dhe këto raste u duhen dhënë ndihmë edhe nga shteti edhe nga ne si komunitet. Ato janë heroina të vërteta.”, tha Xhensila. Këngëtarja nuk mund të anashkalonte edhe marrëdhënien me Besin, si u njoh me këngëtarin dhe çfarë i pëlqeu tek ai.
“Ai u tregua i zgjuar se e pa që në kokën time ishte dicka tjetër që kishte lidhje me muzikën, shkollën dhe nuk isha e hapur të pranoja një gjë të re në jetën time dhe Besi u afrua si shok dhe avash avash i la vend vetes për të qenë bashkëshorti im. Besi përveç sensit të humorit ka një sens të jashtëzakonshëm humanitar”, tha këngëtarja duke theksuar dy cilësitë më të pëlqyera te bashkëshorti i saj.
Ndërsa për vogëlushen e tyre, Xhensila tregoi se po mundohen ta rrisin me thjeshtësi. “Po mundohemi ta rritim Ajkën me shumë thjeshtësi e mos të paragjykojë, qoftë ai i bardhë qoftë ai i zi, qoftë ai i pasur apo i varfër. Mundohemi ta bëjmë që të jetë një njeri i mirë dhe s’ka sesi të mos jetë e suksesshme”.
Për planet për një fëmijë të dytë Xhensila shprehu dëshirën për një motër për Ajkën: “Uroj që kur të vijë i dyti të jetë i qetë. Unë do të doja e dyta. Tani është shumë shpejt do presim të rritet vajza pak, deri sa t’i shpëtojmë pyetjes mami dua motër ose vëlla, do jemi të lirë. Unë e kam dashur shumë familjen e madhe. Dëshira është e madhe që të kem më shumë sesa dy fëmijë”.
Këngëtarja zbuloi edhe pak nga propozimi magjik i Besit në Kankun, që me sa duket për Xhensilën nuk ka qenë aq surprizë.
Kjo pasi një natë para propozimit, Xhensila pa një çift që po festonte celebrimin dhe Besi kishte planifikuar të bënte të njëjtën gjë një ditë më pas./revistawho.com
